miss and mrs kavre idol 2017 photoshoot
विशाल चौतारी समाचार
तस्बिरहरु : बिशाल राई, सुदिप राई
बनेपा, २०७३ माघ २७ बिहिबार । काभ्रे जिल्लामा पहिलो चोटी आयोजना भइरहेको ‘मिस एण्ड मिसेस काभ्रे आइडल –२०१७’को फाइनल प्रतिस्पर्धामा २२ जना प्रतिस्पर्धीहरु छनौट भएका छन् ।
एमाजोन इन्टरटेन्मेन्टले आयोजना गरिरहेको ‘मिस एण्ड मिसेस काभ्रे आइडल –२०१७’को फोटोसुट केही दिन अगाडी मिराबल रिसोर्ट धुलिखेलमा सम्पन्न भएको छ । ‘मिस एण्ड मिसेस काभ्रे आइडल –२०१७’को फोटोसुट अफिसियल मिडिया कोर्डिनेटर तथा फाटोग्राफर विशाल राईले गरेका छन् । फोटोसुटका बारेमा बोल्दै आयोजक संस्था एमाजोन इन्टरटेन्मेन्टका अफिसिय कोरियोग्राफर हिमानी सुब्बाले फोटोसुटबाट प्रतियोगीहरुले मोड्लिङ फोटोग्राफी सम्वन्धीपनि ज्ञान लिएको बताए ।
महिलाहरुको क्षमता अभिवृद्धि र प्रतिभा प्रस्फुटनका गर्ने उद्देश्यले ‘मिस काभ्रे आइडल –२०१७’को आयोजना गरिएको हो भने ‘मिसेस काभ्रे आइडल –२०१७’को बिवाहित महिलाहरुको क्षमता अभिवृद्धि र सामाजिक काममा अग्रसर गराउने उद्देश्यले आयोजना गरिएको एमाजोन इन्टरटेन्मेन्टका अध्यक्ष कमल खतिवडाले बताए ।
फागुन १४ गते पञ्चकन्या ब्याङ्क्वेट बनेपामा हुन लागेको प्रतियोगितामा एमाजोन इन्टरटेन्मेन्टका अफिसिय कोरियोग्राफर हिमानी सुब्बाले अहिले अन्तिम प्रतिस्पर्धीहरुलाई विभिन्न व्यक्तित्व विकास लगायत विषयमा शिक्षा दिइरहेकी छिन् । फाइनल कार्यक्रमको लाइभ कास्टमान्डप टेलिभिजनबाट प्रशारण हुनेछ ।