Bisal Chautari Logo

तिम्रै नामको लालपुर्जाले मात्रै नापिन्छ, मेरो पाठेघरको उचाई !

- ८ आश्विन २०७४, आईतवार १०:५९ मा प्रकाशित


nepali poem
“झोला”
हजारौं स्पर्मको म्याराथन जितेर
ओभम छेडेपछी
सुरु भएको हो
तिम्रो बहादुरीको यात्रा
तिम्रै नामको लालपुर्जाले मात्रै
नापिन्छ
मेरो पाठेघरको उचाई !

संस्कारका भुत्ते कानहरुले
तिम्रै अधिकारको
हेयरिङ एड बाट मात्रै सुन्छन
मेरो गर्भको धड्कन !
तिम्रो स्वामित्वको प्रमाणबिना
काटिएनन
अँह
काटिएकै छैनन
प्रसबका सालनालहरु !

भर्खरै जन्मेको
नवजात शिशु
कंगारूझैं छातीमा चेपेर
युगौंदेखी बारबार सोध्दैछु
महाशय !
के स्वास्नीमान्छेको पाठेघर
तिम्रो विर्य बोक्ने झोला मात्र हो ???
(फेसबुकमा भाइरल भएको सम्पदा रिजालको कविता ”झोला”

प्रतिक्रिया