बेलायतबाट ताराको ‘गुरिल्ला गर्ल’ विश्व बजारमा

Guerrilla girl of Tara Rai
विशाल चौतारी समाचार
काठमाडौ, २०७३ माघ १८ मंगलबार । नेपालमा भएको दशक लामो जनयुद्धलाई समेटेर सिर्जना गरिएका पुस्तक निकै कम मात्रै प्रकाशनमा आएका छन् । तारा राईद्वारा लिखित ‘छापामार युवतिको डायरी’ त्यसैमध्येको एक हो । उनले आफ्नो जीवन भोगाइलाई उतारेको उक्त पुस्तक अब अंग्रजी संस्करणमा पनि विश्व बजारमा आएको छ, ‘गुरिल्ला गर्ल’ नाममा ।
Guerrilla girl of Tara Rai१४ वर्षको कलिलो उमेरमै सशस्त्र जनयुद्धमा होमिएकी तारा राईको उक्त पुस्तकको अंग्रेजी संस्करण बेलायतको प्रकाशन गृह कनराड प्रेसले प्रकाशनमा ल्याएको हो । पुस्तकको अनुवाद जयन्त शर्माले गरेका छन् भने लेखक नरेश काङमाङ राई, अप्जसे कान्छा र वेलायती लेखक जेम्स एजिंगरले त्यसको सम्पादन गरेका छन् ।
‘गुरिल्ला गर्ल’मा जनयुद्धका क्रममा तत्कालिन शाही सेनाद्वारा मारिएको तस्वीरलाई जीवन्त रुपमा तारा राईले उतारेकी छिन् । उनले सेनाको कब्जामा परी जेलयात्रा गर्दाको हृदयविलदारक भोगाइलाई समेत पुस्तकमा उतारेकी छन् । पुर्व राज्यमन्त्री तथा माओवादी नेतृ धर्मशीला चापागाईंसागै जेल जीवन भोगेकी उनले चापागाईंकी निर्दोष छोरी अग्रानीसाग बिताएको क्षणलाई पाठकहरुको मन छुने गरि प्रस्तुत गरेको सम्पादक आप्जसे कान्छाको दाबी रहेको छ ।
कृति अध्ययनपश्चात अभिनेतृ जोवाना लुम्लेले अति नै पुस्तकमा मन्तव्य लखिदिएकी छिन् । सम्पादक नरेश काङमाङ राईले भने नेपाली साहित्यलाई विश्वसहित्यमा उपस्थित गराउनको लागि लागिपरेको बताए ।
आफ्नो कृतिको अंग्रेजी संस्करण प्रकाशित भएको खबर पाएपछि ताराले भनिन्— ‘सपनाहरु धेरै छन् । म अति नै खुसी छु ।’