shilpa maskey new movie actress milan chams  
विशाल चौतारी समाचार
काठमाडौ, २०७४ अषाढ २७ मंगलबार । नेपाली चलचित्र क्षेत्रमा निर्देशक मिलन चाम्स सवैभन्दा बढी व्यस्त छन् । ‘ह्याम्पी डेज र ब्लाइन्ड रक्स’ प्रदर्शनको तयारीमा राखेर मिलन ‘बोबी’ नामक चलचित्रको छायांकन गरिरहेका छन् ।
उनले ‘वीर विक्रम २’ बनाउने घोषणा पनि गरिसकेका छन् । अब, उनै मिलनले फेरि नयाा चलचित्र निर्माणको घोषणा गरेका छन् । मिलनले बनाउन लागेको नयाा चलचित्रको नाम ‘लिलिबिली’ राखिएको छ । तर, यो नाम पछि परिवर्तन हुने मिलनले बताए ।
यो चलचित्रका लागि मोडल शिल्पा मास्के फाइनल गरिएको छ । हलिउड चलचित्र ‘डक्टर स्ट्रेन्जमा’मा काम गरिसकेकी शिल्पालाई फाइनल गरिएको मिलनले बताए । वेलायत र स्कटल्याण्डमा छायांकन हुने चलचित्रको बजेट २ करोड माथि बताइएको छ ।
चाम्स इन्टरटेन्मेन्ट, काफिया फिल्मस् र डेउ फिल्मस्को संयुक्त ब्यानरमा यो चलचित्र निर्माण हुनेछ । चलचित्रका लागि मुख्य भूमिकामा रहनेगरि नायक र नायिकाको खोजी गरिएको मिलनले बताए ।
उनले भने(‘हामीले लामो समयसम्म खोज्दा पनि नपाएपछि मिडियामार्फत अपिल गरेका हौ । चलचित्रमा अभिनय गर्न इच्छुक कसैले पनि हामीलाई सम्पर्क गर्न सक्नेछन् ।’
त्रिकोणात्मक प्रेमकथामा यो चलचित्र निर्माण हुने चाम्सको भनाई छ ।